Ne Ukraina, ne de halqara cemaat, bu künlerde ukrain topraqlarında işğal akimiyetiniñ keçirmege ıntılğanı böyle degen “referendumlar”nı tanıycaq. Bu iç bir şeyge keçmegen bir saylav Ukraina Qanunnamesine, halqara uquqqa, şu cümleden BMTnıñ nizamnamesine ve er bir sağlıqlı fikirlerge zıttır.

“İşğalcilernen alâqadan qaçınmağa israrlıqnen tevsiye etem. Ketmeñiz, bu tür tedbirlerni körmemezlikke urıñız, bölge eyyetlerinde iştirak etmeñiz. Sahte referendumlarnı azırlağan ve keçirgen er kes, cinaiy mesüliyet çekilcek”, – dep Ukraina vitse baş naziri İrına Vereşçuk tenbileyedi.

İşğalcilerniñ keçirmege ıntılğanları “referendum”da iştiraktan qaçınmaq içün aşağıdaki adımlarnı riayet etmek lazım:

1. Saylav qutusınen sizge kele ya da saylav bölügine ketmege mecbur ete bileceklerini ögrenseñiz, bu künlerde yaşağanıñız yerni deñiştirmege tırışıñız.
2. Eger sizge telefon etseler ya da yazsalar, bağ qurmañız ve bilgileriñizni aytmañız. Duşman, cedvelni sahteleştirmek ve iştirak hayalini yaratmaq içün şahsiy bilgileriñizni qullana bilir.
3. İşğalcilerniñ Ukraina vatandaşlarına tesir ya da basım vaqialarını ögrenseñiz, aşağıdaki nomeralarğa telefon etiñiz:

UTHniñ işanç telefonı: 0 800 501 482 (malümat konfedentsiya etilgen);

Ukraina Milliy politsiyasınıñ sıcaq hattı:  0 800 50 0202.

Bundan ğayrı, ReNazirliginiñ VİET ve ecnebiy ülkeler içün sıcaq hattına telefon etiñiz: +38 (096) 078 84 33.

ReNazirligi tenbiyeley: sahte referendumlarnı azırlamaqta göñülli olaraq iştirak etken ve işğalcilernen işdeşlik yapqan er kes cinaiy mesüliyetke çekilecek.