“Ukrainanıñ şarqında silâlı çatışma neticesinde menfiy tesi astında bulunğan topraqlarnı destek etüvnen bağlı tedbirlerni keçirmek içün devlet bücetinden yerli bücetlerge subventsiya” bücet programmasına köre “2021 senesi içün Ukrainanıñ devlet büceti aqqında” Ukraina qanunında 125,0 mln grivnalıq inkişaf masrafları esapqa alındı.

 

Ukraina Nazirler Kabinetiniñ 2017 s. ekim ayınıñ 4-ündeki № 769 qararınen Ukrainanıñ şarqında silâlı çatışma neticesinde menfiy tesi astında bulunğan topraqlarnı destek etüvnen bağlı tedbirlerni keçirmek içün devlet bücetinden yerli bücetlerge subventsiya berüv yol-yoruğı ve şartları (qısqa. – Yol-yoruq ve şartlar) tasdıqlandı.

 

Yol-yoruq ve şartlarnıñ 3. maddesine mücibi aşağıdaki saalarğa subventsiya üleştirilir:

 

• devlet içinde alınğan kişilerge mesken bermek içün kommunal saiplik mesken fondunıñ obyektlerini, şu cümleden içtimaiy tahsisli obyektlerni quruv, yañıdan quruv, kapital tamir etüv;

 

• devlet içinde alınğan kişilerniñ vaqtınca qullanmaları içün kommunal saiplik mesken fondunıñ obyektlerini yañıdan quruv, kapital tamir etüv;

 

• devlet içinde alınğan kişilerniñ vaqtınca qullanmaları içün meskenni kommunal saiplikke aluv.

 

Maqbul yeri şuralarnıñ icra organlarına ve olar yol olsa, maqbul arbiy-grajdan memuriyetlerge obyektler ve tedbirler cedveline dair teklifler yazılğan şekilde nushağa köre ReNazirliginiñ adresine (Kıyiv ş., Çokolivskıy bulvarı, 13) ya da [email protected] elektron poçtasına yollanır.

 

Bundan ğayrı qayd etemiz ki, Ukraina Nazirler Kabinetiniñ 2019 s. bozarğan aynıñ 26-sındaki № 582 “Devlet içinde alınğan kişilerniñ vaqtınca yaşamaları içün mesken fondlarını şekillendirüv yol-yoruğını ve Devlet içinde alınğan kişilerniñ vaqtınca yaşamaları içün mesken fondlarından mesken vaqtınca berüv yoyoruğını tasdıqlav aqqında” buyruğınıñ (qısqa. – 582. Buyruq) 2. maddesine mücibi, 2019 senesinden başlap yerli öz idare organlarına ve olar olmasa, arbiy-grajdan memuriyetlerge, devlet içinde alınğan kişilerniñ vaqtınca yaşamaları içün bu tür mesken bermek kerekligini esapqa alaraq maqbul yerli bücetlerde mesken fondlarını şekillendirmek içün para esapqa almağa teklif etildi.

 

Qayd etmek kerek ki, Ukraina Nazirler Kabinetiniñ 2020 s. ilk qış ayınıñ 23-ündeki № 1311 buyruğınen 582. Buyruqqa deñişmeler kirsetildi, olar aşağıdaki areketler esapqa alınır:

 

• devlet içinde alınğan kişilerge, bir sene boyunca Devlet içinde alınğan kişiler aqqında tek malümat bazasında qayd etilgen meskün yerlerde degil, bu tür meskenniñ mevcut olğanı meskün yerlerde vaqtınca mesken almaq içün hitap etmek ve almaq imkânı yaratuv.

 

• yerli öz idare organlarınıñ, ayrıca ihtisaslı mütehassıslarnı çekmek maqsadınen, devlet içinde alınğan kişilerge vaqtınca mesken berilecek ilâve umumiy kriteriylerni (olar içün bir baa sıñırını tesbit etüvnen) tesbit etmesine imkân berüv.