Bugün Ukraina Nazirler Kabinetinde Ruhiy sağlıq qorçalav ve silâlı tecavuz neticesinde zarar körgen kişilerge ruhiy yardım etüv meseleleri eyyetlerarası idare şurasınıñ oturışı keçirildi.

Prezidentniñ apayı Olena Zelenskanıñ teşebbüs etkeni Umumiy ukrain ruhiy sağlıq programması çerçivesinde mezkür oturışlar keçirilir.

Vitse baş nazir İrına Vereşçuk ve Salıq naziri Viktor Lâşkonıñ başlığınen mezkür tedbir keçirildi.

“Cenkten zarar körgen insanlar, ayrıca devlet içinde alınğan kişiler, devletten diqqat ve destekke ihtiyac eteler. Ruhiy sağlıq programmaları insanlarğa yañıdan tedaviylemege ve cemaatqa dalmağa yardım eteler. Devlet öz vatandaşları yanında er vaqıt olmalı. Ve olar bunı duymalılar. Ruhiy-içtimaiy destek hızmetleriniñ semereli olması müimdir. Tamam bunıñ içün qullanıcı ceetinden olarnı qıymetlendirmelimiz”, – dep İrına Vereşçuk qayd etti.

Milletniñ ruhiy varlığı, ülkeniñ iqtisadiyatına vastasız tesir ete. Amerika ihtisaslarınıñ araştırmalarına köre, ruhiy sağlıqqa yatırım etilgen bir dollar, ülkeniñ iqtisadiyatına beş-altı dollar olaraq qaytacaq. 

Şu anda ReNazirligi, devlet içinde alınğan kişilerge ruhiy-içtimaiy destek etken servisler ağınıñ inkişafını destek ete.

Oturışnıñ neticelerine köre, vitse baş nazir bütün nazirliklerni 2030 senesine qadar Ruhiy sağlıqnı qorçalavnıñ inkişaf kontseptsiyasını yerine ketirici Tedbirler planını muzakere etmege qatılmağa çağırdı.

İrına Vereşçuk, Sağlıq naziri Viktor Lâşkoğa teşekkür bildirdi. Şu anda onıñ müessisesi, ruhiy sağlıqnıñ büyük yañı deñişmesiniñ drayverlerinden biridir.

Tedbirde Prezidentniñ Ofisi, ReNazirligi, Sağlıq nazirligi, Topraqlarnıñ cemaatları ve astyapını inkişaf nazirligi, Maliye nazirligi, İçtimaiy siyaset nazirligi, Veteranlar nazirligi, Mudafaa nazirligi, İçeri işler nazirligi, Yaşlar ve sport nazirligi, Medeniyet ve malümat siyaseti nazirliginiñ vekilleri iştirak ettiler. Oturışqa halq mebusları, vilâyet arbiy memuriyetleri ve içtimaiy teşkilâtlarnıñ vekilleri qatıldılar. Bundan ğayrı oturışta Prezidentniñ apayı Olena Zelenskanıñ ofisiniñ vekilleri iştirak ettiler.