Tamam bir sene evel 2022 senesi saban ayınıñ 17-sinde Ükümet, Milliy malümat bürosını (MMB) teşkil etmek qararını tasdıqladı.

Bu organnıñ esas maqsadı – arbiy esirler, grajdan reineler ve sürgün etilgen insanlarğa dair sicil tizmektir.

Bir sene boyunca MMB, esirlerni deñiştirmelerni 39 kere keçirdi, olar neticesinde 1993 insan esirlikten azat etildi.

Bundan ğayrı, bu vaqıt boyunca Milliy malümat bürosı aşağıdaki sicillerni tizdi ve vazifeler yaptı:

– Esirlikte bulunğan Ukraina mudafaacıları sicili,

– Duşmannıñ arbiy esirleri sicili,

– Siyasiy mabüsler sicili,

– rfnıñ silâlı tecavuzı neticesinde zarar körgen balalarnıñ bilgilerinen “Cenk balaları” online platformasınıñ yaratılmasında iştirak etti.

Bundan ğayrı, Halqara Qırmızı Haç Eyyetinen işdeşliginde MMB, ukrain esirleri ve aqrabalarınen arasında mektüpleşmege yardım ete.

Vatandaşlarnıñ hitaplarını almaq içün Milliy malümat bürosı, 24 saat işlegen 16-48 sıcaq hatnı ve başqa alâqa kanallarını yarattı. Bir sene boyunca operatorlar, deyerli 225 biñ telefon çalmasını aldılar. Bundan ğayrı, Telegram ve Viber çat-botları vastasınen MMBna 56 biñden ziyade, MMBnıñ saytındaki online forma vastasınen 19 biñ ve [email protected] elektron poçtasına daa 37 biñ hitap yollandı. 

Hatırlatamız ki, ReNazirliginiñ idare saasına ait olğan “Ukrain milliy barışıq inkişafı merkezi” devlet müessisesi, MMBnıñ vazifelerini yapa.

Bağlantığa basıp, prezentatsiyada Milliy malümat bürosınıñ ilk senesiniñ işiniñ neticelerini tafsilâylıca ögrenmek mümkün.