Minağa qarşı faaliyet meseleleri milliy organınıñ oturışınıñ neticelerine köre, saçuv içün köy hocalığınıñ topraqlarını minasızlaştıruv tedbirleri planı uyğunlaştırıldı, dep Ukraina Mudafaa nazirligi haber berdi.

Çünki Dnipropetrovsk, Zaporijjâ, Kıyiv, Mıkolayiv, Sumı, Harkiv, Herson, Çernihiv ve Çerkası vilâyetleriniñ köy hocalığınıñ topraqlarınıñ tahminen 470 biñ gektarını teşkermek kere, kerek olsa da – minasızlaştırılmalı.

Birinciden topraqlarında minalarnen bulaştıruv meselesi eñ aktual olğan ve köy hocaqlığınıñ topraqlarını minasızlaştırmaq – iqtisadiy tarzda eñ çoq esaslanğan bölgelerde tedbirler keçirilecek.

Mezkür tedbirlerni kerçekleştirmek içün minağa qarşı faaliyet operatorlarınıñ minasızlaştıruv vaqtında patlama işlerini yapmaları ve cenk vaziyeti vaqtında patlayıcı malzemelerini qullanmaları içün izin aluv ceryanı qolaylaştırıldı.

Bundan ğayrı, Minağa qarşı faaliyet meseleleri milliy organınıñ oturışı çerçivesinde ealini patlayıcı şeylernen bağlı telükeler aqqında haberdar etüv ceryanı muzakere etildi.

ReNazirliginiñ azırlağanı mina telükesinen bağlı videosını yayınlamaq qararı berildi. İçtimaiy naqliyatta yerleşken ses-resim malümatını alıcılar vastasınen icra akimiyet organları ve arbiy-grajdan memuriyetleri videolarnı yayınlamağa mecburiyet aldılar.

Telükesiz özüni tutuv qaidelerinen maqbul videolar, işğalden azat etilgen topraqlarda soñ zamanlarda olğan patlayıcı şeylernen vaqialarnı eksiltmege yönelgendir.