Vitse baş nazir İrına Vereşçuk, Ukraina vatandaşlarnıñ vaqtınca işğal etilgen topraqlardan üçünci ülkeler vastasınen kontrol etilgen topraqlarğa çıqış meseleleri idare ştabınıñ oturışını keçirdi. Er afta onıñ iştirakçileri, VİETdan çıqqan ve Vatanına qaytmağa ıntılğan bizim vatandaşlarımıznıñ meselelerini al eteler. 

Mezkür oturışta Ukrainağa qaytmaq içün kişilik vesiqasını resmiyleştirüv vaqiaları baqıldı. Amma belli oldı ki, zorluqlar tek vesiqalarnen peyda olmaylar. İnsanlar, şu cümleden, maliyeviy zorluqlarnı çekeler. İçtimaiy teşkilâtlarnıñ vekilleri de de bu meselege diqqatını celp ettiler.

VİETdan çıqqan çoq insannıñ Ukraina vatandaşı pasportı yoq. Ve onı vesiqalaştıruv ceryanı devam etkende olar bir şey vastasınen yaşamaq kerek. Vesiqalar olmadan olar, bank esabını bile açamaylar, bunıñ içün olarğa naqıt kerek.

“İnsanlar ukrain pasportlarını alğance olarnıñ kefaletli para yardımına ihtiyacı bar. Tamam naqliyat şeklinde. Bizim vatandaşlarımıznı destek etmek içün halqara teşkilâtlarnı çekmelimiz. Ukrainağa qaytqanda olar, devletten kerekli ozğaruvnı alacaqlarından emin olmalılar”, – dep İrına Vereşçuk hulâsa çıqardı.