Vitse baş nazir İrına Vetreşçuknıñ başlığınen İşğalden azat etilgen topraqlar meseleleri idare ştabınıñ oturışında bu meseleler muzakere etildi.

Oturış başlamadan evel memur, Hersonda soñ kütleviy ateşler vaqtında ölgen ve yaralanğan insanlarnıñ ailelerine taziye bildirdi. O, zarar körgen insanlarğa bütün kerekli yardım etmege çağırdı ve qayd etti ki, ukrain ücümini beklegende duşman daa çoq şiddetli quturğan ola. Bunıñ içün şimdi akimyet, Hersonlılarnıñ ayatını saqlamağa diqqatını celp etmeli.

İştirak etken VAM ve Ukrzaliznıtsânıñ vekilleri haberdar ettiler ki, tahliye tedbirleri evelden başlandı ve grafikqa köre devam eteler. Ateşler daa şiddetli olsa, ilâve avtonaqliyat, marşrutlar ve insanlarnıñ toplaycaqları yerler tesbit etildi. Daa telükesiz vaziyet içün demiryol vastasınen ketecek yolcularnıñ binecekleri alternativ yerler de tesbit etildi.

Hersonlılarnıñ şimdi ketkenleri Hmelnıtskıy vilâyetinde olarnı qarşılamaq içün er şey azır. Olarnı yerleştirmek içün yerler, kerekli aş, ilâçlar yedegi bar. İrına Vereşçuk, ReNazirliginiñ vekillerine 2 ve 3 biñ grivnalıq mecburiy ödemelerni aluv ceryanını kontrol etmege avale etti.

“Öz ayatını telüke astında tutmamaq içün insanlar çıqmağa isteyler. Olarğa bunıñ sebebini aytıñız. Ayrıca balalarnen qadınlarğa, az mmobil olğan ve mahsus ihtiyaclarnen insanlarğa”, – dep vitse baş nazir qayd etti.