Ukrain vatandaşlığı tış pasportlarını azırlamaq içün devlet bücetiniñ yedek fondundan 58,4 mln grivna ayırıldı. Bugün Ükümetniñ oturışında böyle qarar berildi.

Laf, Ukrainanıñ ecnebiy diplomatik müessiseleriniñ vesiqalaştırğanları pasportlar aqqındadır.

Başı vitse baş nazir İrına Vereşçuk olğan VİETdan ve üçünci ülkelerden Ukrainağa vatandaşlarnı qaytaruv meseleleri idare ştabınıñ işiniñ neticesinde maqbul maliyeviy resurslar qatıldı. İqtisadiyat nazirligi ve Maliye nazirliginiñ orta işi yardımınen Tış işleri nazirligi içün pasportlarnı yapmaq maqsadınen para ayıruv aqqında buyruq leyhası azırlandı.

Çünki tolu miqyaslı tecavuznıñ başlanğıcından ecnebiy ülkelerge çoq ukrain vatandaşı içeri vesiqalarnen ya da müddeti bitken tış pasportlarnen ketti. Bunıñ içün ecnebiy diplomatilk müessiselerde çoq pasportnı vesiqalaştırmaq kerekligi peyda oldı.

“Bugün berilgen qarar, Ukrainadan vaqtınca mesken tapqan vatandaşlarımız içün tış pasportlarnı yapmağa temin etmege yardım etecek. Bu müim aktnı arızlamaları içün İqtisadiyat nazirligi ve Maliye nazirligine, em de vesiqanı çabikça baqmaları içün TİN, Adliye nazirligi, Raqam nazirligi ve İdare ştabınıñ başqa azalarına teşekkür bildiremiz. Bu tür işdeşlik formatı semereli olğanını yañıdan delil ete“, – dep İrına Vereşçuk qayd etti.