Vitse baş nazir İrına Vereşçuknıñ başlığınen Lehistanda vaqtınca bulunğan ukrainalılarnıñ aktual meselelerini muzakere etüv oturışları keçirilir.

Meskenni qıdırğan ukrainalılarnıñ çağıruvlarına vaqtında qarşılıq köstermek maqsadınen ReNazirligi, cenk tecavuzınıñ başlanğıcından qomşu ülkesiniñ toprağında bulunğan vatandaşlarımıznıñ keyfi ve niyetlerini ögrene.

Böylece keçenlerde ReNazirliginiñ vekilleri bir tedbirde iştirak ettiler. Onıñ vaqtında “Leh emek çarşında Ukraina vatandaşları. Yañı çağıruvlar ve istiqballer” adlı içtimaiy araştırma taqdim etildi.

Varşava universitetiniñ Şarqiy avropa studiyaları merkezinen beraber EWL Migratsiya platforması ve EWL foundation tarafından sorav keçirildi.

Araştırma kösterdi ki, çalışa bilgen ve mesken qıdırğan insanlarnıñ çoqusınıñ bu ülkede çalışmağa başlağanına baqmadan, yaqın kelecekte olarnıñ deyerli üçten ekisi Vatanına qaytmağa planlaştıra. Olarnıñ er dörtüncisi (24%) arbiy areketlerniñ bitmesini beklemeyip, Ukrainağa qaytmaq niyetini bildirdi. 

Ukrainağa qaytmağa teşviq etken sebepler arasındsa cevap bericileri şöyle qayd ettiler: Ukrainanıñ ABne (57%) NATOğa (47%) ve kirişi, maaş seviyesini arttıruv (54%) ve Ukrainada qalğan ailenen birleştirme imkânı (48%).