Vitse baş nazir İrına Vereşçuknıñ başlığınen oturışta işğalden azat etilecek topraqlar içün hadimler meselesi muzakere etildi. Şu cümleden, tasil ve tibbbiyet saaları içün. Bundan ğayrı, devlet müessiseleriniñ işçileri içün hadim yedegi muzakere etildi.

İştirakçiler, Tasil ve İlim nazirligi ve Sağlıq nazirliginiñ mevcut olğan malümat sistemaları esasında ocalar ve tibbiyetçilerniñ sicilini yaratma tehinikiy imkânına dair keñeştiler. Vitse baş nazirniñ emrine köre, keçenlerde bu müessiseler ve Raqam nazirligi ve Devlet hızmeti meseleleri milliy agentligi, bu meseleni çezmek içün orta usullarnı muzakere ettiler.

İrına Vereşçuk, prioritetli tarzda hadimler yedegini azırlaycaq yüksek tasil müessiselerini tesbit etmek kerekligini bildirdi. Ve qayd etti ki, birinciden reberlik hadimlerine diqqat ayırmaq kerek, çünki tamam bu vazifelerge eñ çoq ihtiyac duyulacaq.

Bundan ğayrı, iştirakçiler qırımtatar tilinen bağlı meseleni muzakere ettiler. İrına Vereşçuk, oturışnıñ iştirakçilerine, bütün meraqlanğan müessiselerden buña dair tekliflerni işlemege avale etti.

“Daa bir vazifemiz – işğalden azat etilecek topraqlarda çalışmağa ketecek er kes, bütün ocalarımız, ekimlerimiz içün motivatsiya programmasını azırlamaqtır. Bu insanlar, devletniñ destegini duymalıalr. Şu cümleden, maliyeviy. Prezident ve Baş nazirniñ nazar noqtası aynıdır. Çünki motivatsiyanen hadimler yedegi, bizim topraqlarımıznıñ reintegratsiyası içün esas inkişaf quveti olacaqtır”, – dep memur hulâsa çıqardı.