Bugün Dnipro şeerinde vitse baş nazir İrına Vereşçuknıñ başlığınen Dnipropetrovsk vilâyetiniñ topraqlarında yaşağan devlet içinde alınğan kişilerniñ aktual meselelerine dair oturış keçirildi.

Anda Dnipropetrovsk vilâyetiniñ rayon arbiy memuriyetleriniñ reberleri, topraq cemaatlarınıñ başları, Ukraina halq mebusları, şu cümleden Dmıtro Prıputen, Maksım Bujanskıy, Roman Kaptelov, Dmıtro Çornıy, Yuriy Kisel iştirak ettiler.

Oturış vaqtında devlet içinde alınğan kişilerni destek meseleleri muzakere etildi. Dnipropetrovsk VAMniñ reberligi haber berdi ki, DAK içün vaqtında ödengen içtimaiy yardım ödemeleri yapıldı. Böylece, 2023 senesi qara qış – mayıs ayları arasında 4,4 mlrd grn ödendi.

Bundan ğayrı laf, endi kelecek afta teşkil etilecek Tınç yaşağan ealini destek idare-mesleat merkezi aqqında edi.

“Bu tür merkezlerniñ topraq cemaatları, merkeziy akimiyet, halqara ve içtimaiy teşkilâtlar içün işdeşlik alet olmaları müimdir. İşdeşlikniñ tamam bu formatı devletniñ resurslarınıñ, halqara ve başqa donorlarnıñ faydasını arttırmağa imkâñ berecek. Laf, devlet içinde alınğan kişiler, veteranlar ve rus tecavuzından zarar körgen vatandaşlarnıñ başqa gruppalarına hızmet etüv aqqındadır. Bu merkezler, çoq taraflı yardım etecekler. Şu cümleden, ruhiy, uquqiy, memuriy, maliyeviy yardım, meskennen ve işke aluvnen destek ve ilâhre”, – dep İrına Vereşçuk qayd etti.