Yerli sakinlerniñ telükesizligi içün Herson vilâyetiniñ Mudafaa şurasınıñ kirsetkeni sıñırlamalarnı hatırlatamız.

Şu cümleden, aşağıdaki şeyler yasaqtır:

– Suvnen basılğan meskün yerlerge ketmek. Ayrı qararğa qadar bu yasaqlama işleycek.

– Bozarğan aynıñ 16-sından oraq ayınıñ 17-sine qadra 15:00 – 10:00 saatleri alkol satın almaq.

– Balıq mahsularınıñ kütleviy satın alınması.

– 2023 senesi yaz-sağlığını tüzetüv mevsimini başlatmaq ve plâjlar, suvlar, orman park zonaları ve başqa kütleviy raatlıq yerlerinde bulunmaq.

– Mudafaa quvetleriniñ mevamları ve kritik astyapı obyektleri yanında yerleşken raatlıq zonalarında bulunmaq yasaqtır.

– Bundan ğayrı, toprağında teşkerüv işeri devam etecegine ve telüke vaziyeti ögrenilecegine qadar Hersondaki Korabel mikrorayonına ketmek yasaqtır. Bu tedbirler keçirilecek soñ anda qayd etilgen ya da mesken kira etken vatandaşlarğa ketmege izin berecekler.

Diqqat! Mikrorayonda 15:00-12:00 devam etecek komendant saatleri ilân etildi.