Londonda Ukrainanı yañıdan quruv konferentsiyası (Ukraine Recovery Conference) çerçivesinde Ukraina Ükümeti ve Dünya bankı arasında daa bir Añlaşma imzalandı. Laf, Büyük Britaniyanıñ kefaletinen 500 mln dollarlıq ilâve kreditni çeküv aqqındadır. Ükümet portalı bu aqqında haber berdi.

Mezkür para, “Ukrainada sebatlı devlet idaresi içün devlet masraflarını destek etüv” leyhasına para berüvniñ qısmıdır. Bu leyha çerçivesinde Büyük Britaniyanıñ kefaletlerinen bücetten para berüvniñ umumiy miqdarı 2 mlrd AQŞ dollarıdır.

Para, qurtarıcılar ve ocalarnıñ aylıqlarına, pensiya ödemege, az qazanğan aileler, saqatlı balalar, devlet içinde alınğan kişiler, yalñız analarnı destek etmege ve tibbiy kefaletler porgramması çerçivesinde tibbiy hızmetlerni ödemege yönelecektir.

Bundan ğayrı, Ukraine Recovery Conference çerçivesinde Avropa rekonstruktsiya ve inkişaf bankınen (ARİB) ukrain energetikasını 600 mln yevrolıq destek aqqında memorandumlar imzalandı. PrAT “Ukrhidroeherho”, NEK “Ukrenerho” ve NAK “Naftogaz” para alacaqlar.

Şu cümleden, ARİB elektrik stantsiyalarnı yañıdan qurmağa ve zemaneviyleştirmege, olarnıñ semereligini ve işançlığını pekitmege yardım etecek. Kahovka suv anbarı toprağı azat etilecek soñ GESnı yañıdan qurmağa dair yol haritasını azırlamağa planlaştıralar.