Vitse baş nazir İrına Vereşçuknıñ başlığınen daa bir oturış keçirildi. Anda “Prıhıstok” programmasını yerine ketirüv ve icra akimiyetiniñ merkeziy organlarınıñ ve yerli bücetlerniñ devlet içinde alınğan kişilerni yerleştirüv içün mesken-kommunal hızmetleri tazminatını ödeme yapuv meseleleri muzakere etildi.

Hatırlatamız ki, Ükümetniñ 11.03.2022 № 261 ve 19.03 2022 № 333 qararlarınen bu meseleler idare etilir.

Oturışnıñ iştirakçileri, ödeme ceryanınıñ bazı hususiyetlerini añlatmaq kerekligine diqqat celp ettiler.

Şu cümleden, “Prıhıstok” programmasını yerine ketirüv çerçivesinde ReNazirligi, DAKni yerleştirgen insanlarğa dair malümat bazasınıñ tek idarecisi olaraq areket eter. Onıñ rolü – sistemasınıñ işini idare etmek ve yerli öz idare organlarından bu programmanıñ maliyeviy ortağı olğan Ukraina Qırmızı Haç Teşkilâtına (UQHT) bilgilerni vaqtında yollamağa temin etmektir.

Şu anda UQHT, qara qış ve kiçi ayları içün vatandaşlarğa mesken-kommunal hızmetleri tazminatına para berdi. Bundan ğayrı saban-çiçek ayları içün ödemelerni tasdıqlama ceryanı başladı. Ödemelerniñ keçikilmesi, teşkilâtnıñ devamlı telükesizlik ve maliyeviy protokollarınen bağlıdır.

Devlet, kommunal ve şahsiy mülkte DAkni yerleştirüv içün kommunal hızmetleri tazminatı aqqında laf olsa, şu anda ReNazirligi icra akimiyetiniñ merkeziy organları, vilâyet, Kıyiv şeer arbiy memuiryetlerinden 2023 senesi I. kvartalnıñ malümatını umumiyleştire.

Onı umumiyleştirecek soñ müessise Nazirler Kabinetine bu maqsatlarğa para devlet bücetiniñ yedek fondundan ayırma qararınıñ leyhasını azırlaycaq. Oraq ayı devamında bu meseleni al etmege planlaştırırlar.