Ukraina Maliye nazirliginiñ 09.06.2023deki № 305  ve 30.06.2023deki № 356 emirlerinen bergi ödeyici kartını almaq maqsadınen insannıñ Ukraina Devlet bergi hızmetiniñ topraq bölügine hitap ete bilgeni vesiqalar cedveli kenişlendi.

VİETdan vatandaşlarnı Ukrainağa qaytarmağa temin etüv meseleleri idare ştabınıñ işi çerçivesinde qarar azırlandı ve ozğarıldı.

Maliye nazirligi ve UDBHniñ teklif etkenleri yañılıqlar, ukrainalılarğa Devlet fizilk insanlar – bergi ödeyciler sicilinden kerekli vesiqalarnı aluv ceryanını qolaylaştırmağa yönelgendir.

Şu cümleden, şu anda vaqtınca işğal astında olğan yaşayış/bulunma yerini tasdıqlağan vesiqasız VİETdan ketken vatandaşlarımızğa

Bugünden bergi ödeyici kartını almaq maqsadınen fizik insannıñ UDBHniñ topraq organlarına hitap ete bilgeni vesiqalar cedveline raqamiy vesiqalar kirsetildi. Olar, kâğıt vesiqalarınıñ analoglarıdır.

Şöyle raqamiy vesiqalar kerek: doğma e-şeadetnamesi, E-pasport, ecnebiy ülkelerge ketmek içün E-pasport ve cenk vaziyeti vaqtınca kişilik vesiqası olğan vaqtınca raqamiy vesiqa eVesiqa.

Bundan ğayrı, bergi ödeyici kartını almaq içün Ukraina vatandaşları aşağıdaki malümat bere bilirler:

– deklaratsiya etilgen (qayd etilgen) yaşayış (bulunma) yeri;

– DAKniñ qayd etilgen yaşayış yeri (bu insan VİETda yaşayış yerinden yazılmayıp, qayd etse ya da deklaratsiya etse, berilir).

Mezkür qarar, UDBHniñ er bir topraq organında vatandaşlarğa hızmet eüv de esapqa alındı (ekstopraqlıq printsipine köre).