Bugün Kıyivde Ukraina Nazirler Kabinetiniñ uzurında Ruhiy sağlıq idare merkeziniñ seminarı başlandı. O, bölge idaresine bağışlandı. Devletniñ Birinci hanımı Olena Zelenskanıñ teşebbüs etkeni Umumiy ukrain ruhiy sağlıq programması çerçivesinde bu tedbir keçirildi.

Seminar vilâyet arbiy memuriyetlerniñ başları, Umumiy ukrain ruhiy sağlıq programmasınıñ bölge idarecileri ve nazirliklerniñ vekillerini birleştirdi.

Tedbirniñ açılışı vaqtında vitse baş nazir İrına Vereşçuk, ealini destek etmege temin etmek içün er bir seviyede idarecilik ve işdeşlikniñ müimligini añlattı.

Şu cümleden memur, Ükümetniñ yerli akimiyet, göñülliler ve halqara ortaqlarnen işdeşliginiñ müimligini qayd etti. Çünki ruhiy sağlıq meselesinde işdeşlik, cemaatnıñ şahsiy ihtiyaclarına diqqat ayırmağa imkân berecek. Laf, kerekli qanunlarnı qabul etüv ve maliye aluv aqqındadır.

“Uzun vaqıtlı strategiya olmalı. Ve o, aqiqiy ve ameliy olmalı. Biz, insanlarımıznıñ ne ihtiyac duyğanlarını açıq aydın tarzda añlamalımız ve olarğa bunı berme imkânımız olmalı”, – dep İrına Vereşçuk hulâsa çıqardı.