Vitse baş nazir İrına Vereşçuk, “Rada” TKda jurnalistlerniñ devlet ve yerli bücetleriniñ parasınıñ masraflarındaki prioritetlernen bağlı sualine böylece cevap berdi.

Onıñ sözlerine köre Prezident Volodımır Zelenskıy, birinciden mudafaa tedbirleri ve insanlarnıñ telükesizligini temin etmesi içün cenk vaqtında merkeziy ve yerli akimiyetniñ resurslarnı idare etmek kerekligini er vaqıt qayd ete. Çünki bu, devletniñ milliy telükesizliginiñ esas qısmıdır.

Memur bildirdi ki, yañı oquv senesi başlamadan evel oquv yurtlarında sığınaqlarnı abadanlaştıruv meselesi aktualdir. Misal olaraq, umumen 13 biñ mektepten 3600-üniñ olarğa ihtiyacı bar. Prezident, Ükümetke ve VAMniñ reberlerine bu meseleni çezmege avale etti. Sığınaqlar çalışmalılar ve uyğun vaziyette olmalılar.

“Men tüşünem ki, bu meselede bütün ukrain halqı Prezidentni destek ete. Bücetlerni şekillendirgende prioritetli yerde birinciden mudafaa tedbirleri olmalı. Bu ya da bizim Silâlı Quvetlerimizge yardım. Ya da vatandaşlarnıñ telükesizliginen bağlı başqa masraflar. Endi bugün şuna diqqat celp etmelimiz. Ğalebe qazanmaq ve mümkün olğance çoq insanımıznı qurtarmaq içün. Taş döşeme ise bekleycek!”, – dep İrına Vereşçuk qayd etti.