O, ihtiyac duyğan er keske yardım etken gumanitar ükümetsiz teşkilâtı Karitasnıñ imayesinen keçirildi.

İrına Vereşçuk, “Ükümet, Kilse, BMT, Donorlar ve Karitasnıñ faaliyetiniñ kenişlemesi ve sinergiyası: Ukrainadaki ihtiyaclarğa qarşılıq kösterüv” mevzulı panel muzakeresine qatıldı.

Muzakerede Ukrain yunan-katolik kilsesiniñ Babası ve Başı Blajennişıy Svâtoslav, Caritas Internationalisniñ Baş kâtibi Alister Datton, Ukainadaki BMTnıñ qaçaqlar meseleleri idaresiniñ Ofisiniñ Başınıñ muavini Ceyms Vezerill, Ukrainadaki Kanada elçisi Larısa Galadza ve başqaları da iştirak ettiler.

Muzakere vaqtında İrına Vereşçuk, Ukraina Karitasnıñ qarar berüv ceryanında operativligini qayd etti. Onıñ sözlerine köre, ukrain cemaatı içün bu, müim destek köstergici oldı.

Çoq mesel arasında cenk neticesinde zarar körgen ukrainalıarnıñ ruhiy sağlığını tüzetüv meselesine ayrıca diqqat ayırıldı. Vitse baş nazir, tamam bu aspektke yardımnıñ kerekligini qatd etti, çünki ruhiy destek, insanlarnıñ tez tedaviylenmesi ve cemaatqa reintegratsiyalarına yardım etecek.

Memur, er taraflı yardım etkeni içün Ukraina Karitasqa teşekkür bildirdi ve bu tür işdeşlikni qadirine etkenini qayd etti.

“Cenkten zarar körgen cemaatnıñ er bir azasınıñ itibarlı yaşayışını yañıdan yaratmaq içün bu işdeşlikni devam etmelimiz”, – dep İrına Vereşçuk hulâsa çıqardı.