İtaliyadan Ukrainağa Zaporijjâ vilâyet şurasınıñ “I-III seviyeli Berdânsk umumiy tasil sanatoriy mahsuslaştırılğan mektep-internatı” kommunal müessisesiniñ 34 bala-talebesi qayttı. Bu, vitse baş nazir İrına Vereşçuknıñ başlığınen Cenk vaziyeti şartlarında bala aqlarını qorçalav meseleleri idare ştabınıñ oturışında bu meseleniñ baqılmasınıñ neticesi oldı.

Tamam rusiyeniñ tolu miqyaslı tecavuzından soñ talebelerni İtaliya Cumhuriyetine tahliye ettiler. İdare ştabınıñ oturışında olarnı evge qatarmağa qarar berdiler: Ukrainanıñ vasiyligi astında balalar özlerini yahşıca duyacaqlar.

Olarnı ozğarğan insanlarnen beraber bir qaç kün Lvivde bulunacaqlar. Bundan soñ Zaporijjâ vilâyetinden balalarnı qabul etip yerleştirmege razı olğan Kirovohrad vilâyetine olarn ketirecekler.

ReNazirligi, olarnı qaytaruv ceryanına qatılğan er keske teşekkür bildire. Milandaki Ukraina Baş konsullığınıñ Konsulı Stanislav Plahotnık, Zaporijjâ, Lviv ve Kirovohrad vilâyet arbiy memuriyetleriniñ memurları yardım ettiler. Lviv ve Kirovohrad VAMmiñ bala meseleleri hızmetleriniñ reberleri Volodımır Lıs ve Nataliya Çernâvskağa ayrcı teşekkür bildire.