İşğalden azat etilecek topraqlarda çalışmaları içün devlet organlarındaki, tasil ve tibbiy saalardaki işçiler yedegini yaratuvğa dair deñev leyhasını yerine ketirüv meseleleri oturışında bu mesele muzakere etildi. O, vitse baş nazir İrına Vereşçuknıñ başlığınen keçirildi.

Tedbirde Prezident Ofisi, Yuqarı Şura, nazirlikler, müessiselerniñ vekilleri, yüksek tasil yurtlarınıñ reberleri iştirak ettiler.

İştirakçileri, “İşğalden azat etilecek topraqlarda devlet hızmeti içün yedek” malümat-alâqa sistemasınıñ işleriniñ neticeleri aqqında esap diñlediler.

Hatırlatamız ki, 2023 senesi oraq ayınıñ 3-ünde yani bir ay evel bu platforma çalışmağa başladı. Bu vaqıt boyunca sistemada 1445 anketa qayd etildi. 1290 namzet, hadimler yedegine endi qatıldı. Olar aralarında idarecilik işinde tecribege saip olğan ilmiy dereceli, alim unvanlarınen insanlar da bar.

İhtisasiy faaliyet saalarına köre namzetlerniñ 52%-i, memuriy reberlikni saylaylar. Bundan ğayrı, devlet nezareti ve kontrolı, audit, qabarcılıqqa qarşılıq saalarında çoq namzet qayd etildi.

Şu anda namzetlerniñ qısmı, devlet hızmetçileri ya da yerli öz idare vazifeli şahıslar olıp çalışalar. Bunıñ içün kerekli olsa, olar Halq ögündeki idarecilik yuqarı mektebinde devlet yerlerinde azırlav kurslarını keçire bilirler.

60 insan, ilk ihtisasnı arttıruv deñev kurslarını keçirdi. Olar, maqbul sertfikat ve kelecek karyera inkişafına dair teklifler aldılar.

İrına Vereşçuk, cemaat ve KHV tarafından hadimler yedeginiñ şekillenmesi aqqında malümat desteginiñ müimligini qayd etti.

“Cemaatnıñ bu ceryanğa büyük merağı, bizim doğru yönelişte areket etkenimizni köstere”, – dep vitse baş nazir qayd etti.