Şu cümleden, olarnıñ dörtünci noqtasınıñ – bütün esir ve sürgün etilgen, ayrıca qanunsız olaraq ketirilgen balalarnı azat etüv – yapılması aqqında laf ettiler.

Tedbir Yuqarı Şuranıñ insan aqları vekili Dmıtro Lubinetsniñ başlığınen Talükesizlik hzımeti, İstihbarat baş idaresi ve Mudafaa nazirliniñ işçileriniñ iştirakinen keçirildi. Davet etilgenler arasında Yaponiya, Vatikan, İspaniya, Danimarka, Frenkistan, CAC, Türkite, Latviya, Norvegiya, Cezair, Çili, İtaliya, Brazil, Kanada, Gvatemala, Yañı Zelandiya, Romaniya, Macaristan, Belçika, Avstriya, Çehiya, Finlandiya, İndistan ve Lehistan elçilikleriniñ vekilleri bar ediler. Em de BMT, HQHE ve AB Vekilligi.

Ukrain tarafı, Vatanğa vatandaşlarımıznı qaytarmağa yardım etecek mehanizmlerni azırlamağa qatılma teklifinen ecnebiy ülkeler ve haqlara teşkilâtlarğa muracaat etti. Birinciden öksüz balalar ve ana-baba vasiyliginden marum etilgen balalarnı.

Bu ceryannıñ birinci basamağı, rusiyeden onıñ topraqlarında ve belarusta bulunğanları yerler aqqında malümatnen bu tür balalar cedvelini almağa yardım ola bilir. Bundan ğayrı, halqara ortaqlarnen beraber adımca plan azırlamaq kerek. Olar, esir etilgen ukrain askerleriniñ aqlarını riayet etmesini temin etmeliler ve vaqtınca işğak etilgen topraqlarda bizim tınç yaşağan vatandaşlarımız ve siyasiy mabüslerniñ qaytamalarına yardım etmeliler.

Qoyulğan maqsatqa irişmek içün halqara cemaatqa Ukrainada Halqara çatışmalarnı al etüv merkezini teşkil etüv teşebbüsini baqmağa teklif etildi. Bu merkez, bu tür vaqialarnı al etüvne bağlı ukrain ve dünya tecribesiniñ toplanma yeri ola bilir.

“Bütün keçken tecribe köstere ki, bizim tınç yaşağan sakinlerimizni semereli qaytaruv mehanizmi kerek. Ayrıca qadınlar ve balalar. Halqara cemaatnen beraber olarnıñ ayat aqlarınıñ bozmalarını toqtatmağa ve yol bermemege imkân berecek algoritmlerni beraber azırlamalımız”, – dep vitse baş nazir İrına Vereşçuk, iştirakçilerniñ diqqatını celp etti.