Vitse baş nazir İrına Vereşçuknıñ başlığınen İşğalden azat etilgen topraqlar meseleleri idare ştabınıñ oturışı keçirildi.

Anda nazirlikler, quvet müessiseleri, devlet idareleri, vilâyet arbiy memuriyetleri ve başqa organlarnıñ vekilleri iştirak ettiler.

İştirakçileri, arbiy areketler ya da vaqtında işğal devrinde qullanılğan kommunal hızmetler içün borc meselelerini muzakere ettiler.

“Adaletsiz ki, insanlar qullanmağanları elektrik energiya içün ödemek kerekler. Bunıñ içün bu mesele, acelen al etilmeli”, – dep vitse baş nazir qayd etti.

Hatırlatamız ki, ReNazirliginiñ azırlağanı qararğa mücibi, 2022 senesi kiçik aynıñ 24-ünden soñ peyda olğan mesken-kommunal hızmetler borclarını vatandaşlardan almaq yasaqtır. ReNazirliginiñ Cedveline mücibi, arbiy areketler topraqlarında ve rf tarafından vaqtınca işğal etilgen topraqlarda bu yasaq işley.

Bundan ğayrı, VİETdaki mesken içün ipoteka kreditlerini ödeme meselesini muzakere ettiler. Şu cümleden, onı al etüv yollarını.

“Mariupoldan çıqqan insanlar, öz taşınılmaz mülki içün banklarğa ipoteka kredtlerini ödemeliler. Böylece olmamalı, çünki insanlar anda yaşamaylar ve olarnıñ meskeni bozuldı”, – dep İrına Vereşçuk qayd etti.

Oturış neticesinde iştirakçiler, meselelerni al etmek içün mümkün olacaq yollarnı azırladılar.