Odesanı iş ziyareti çerçivesinde vitse baş nazir İrına Vereşçuk, Odesa VAMniñ uzurındaki Grajdan ealini destek idare merkeziniñ oturışında iştirak etti.

Oturışqa Odesa VAMniñ başınıñ muavini, İdare merkeziniñ reberi Dmıtro Padulov ve merkezniñ başqa vekilleri qatıldılar.

Şu anda Odesa vilâyetinde topraq cemiyeti seviyesinde Grajdan ealini destek idare merkezleriniñ teşkil etilmesi üzerinde faalca çalışalar. Olar endi 3 rayon arbiy memuriyetinde ve 60 cemiyette çalışalar.

Bu tür merkezlerde yerli devlet içinde alınğan kişilerni destek programmaları yerine ketirilir. Vitse baş nazir İrına Vereşçuknıñ qayd etkenine köre, bu tür teşebbüs, vatandaşlarğa tezce ve semerelice yardım etmege imkân berir.

“Tamam bunıñ içün biz, semereli idare mehanizmini azırap, çağıruvlarğa acelen şekilde qarşılıq köstermelimiz. Bizim vazifemiz, bütün imkânlarımıznen köçken insanlarnı ve cenkten zarar körgen er kesni destek etmektir”, – dep memur qoştı.

Öz tecribesini misal olaraq ketirip, DAK, veteranlar, saqatlı insanlar ve statuslı balalar kibi ealiniñ zayıf gruppalarınıñ ihtiyaclarına mücibi Odesa VAM uzurındaki İdare merkezleriniñ azalarına vazifelerni bölmege teklif etti. Bu, işçiler arasındaki areketlerniñ daa semereli idaresini temin etecektir.

Bu ceryanlarğa halqara ortaqlarnıñ qatılmaları da qayd etildi.

Hatırlatamız ki, İdare merkezleriniñ işi, içtimaiy qorçalav (şu cümleden, meskennen teminat ve işke ketmege yardım etüv, içtimaiy-ruhiy, gumanitar, tibbiy, uquqiy yardım etüv ve ilâhre) meselelerini çezmege yönelgendir.