Nazirler Kabineti, Ukrainada Balalar meseleleri devlet hızmetini teşkil etmek qararı berdi. Ükümet portalı, bu aqqında haber berdi.

Balalar aqlarını qorçalav, balalarnen ailelerni içtimaiy destek etüv, aile şeklindeki terbiyelev ve vasiylikniñ inkişafı saalarında bu icra akimiyetiniñ merkeziy organı, devlet siyasetini kerçekleştirecek.

Hızmetniñ esas vazifeleri arasında:

•balalarnen ailelerni içtimaiy destek etmege ve hızmetlerni bermege idare etüv, şu cümleden vasiylik etilgen, vasiylik aileleri, patronat terbiyecileri, aile şeklindeki bala evleri, vasiylik yapqan insanlar;

•icra akimiyetiniñ ve yerli öz-özüni idare etüv yerli organları, müessiseler ve teşkilâtlar, bedeniy şahıslarnıñ balalar aqlarını qorçalavnen bağlı qanunlarnı riayet etmelerini nezaret etüv;

•balalar aqlarınıñ riayet etilmesi ve balalarnıñ evge qaytmaları içün ecnebiy ülkelerdeki Ukraina diplomatik müessiselerinen işdeşlik.

•Ukrainada eñ az 1400 topraq cemiyetiniñ mütehassısları, cemiyette semereli balalarnı qorçalav sistemasına dair usullı yardım ala bilir.