Ukrainada halqara gumanitar uquq qaidelerini qullanuv ve yerine ketirüv meseleleri müessiselerarası eyyet, HGU bozmaları sicilini yaratmağa qarar berdi. O, vitse baş nazir İrına Vereşçuknıñ başlığınen oturışta qabul etildi.

Tedbirde ReNazirligi, Tış işleri nazirligi, Mudafaa nazirligi, Sağlıq nazirligi, Milliy Telükesizlik ve Mudafaa Şurası, Baş prokurornıñ Ofisi, Milliy malümat bürosı, Milliy politsiya, BMTnıñ Ukrainada insan aqlarını nezaret missiyası, Ukraina Qırmızı Haç Teşkilâtı ve başqalarnıñ vekilleri iştirak ettiler.

Şu cümleden, Ukraina Prezidentiniñ Qıırm MCdeki Daimiy Vekiliniñ muavini Olha Kurışko, UYŞnıñ Ukrainağa qarşı silâlı tecvauc neticesinde zarar körgen vatandaşlarnıñ aqları vekili Olha Altunina, Ukrainadaki Qırmızı Haç Halqara eyyetiniñ vekilleriniñ başı Oleksandr Bakumov. 

Bu oturışta Eyyetniñ daa eki iş gruppası teşkil etildi:

• silâlı çatışma neticelerinden etraftaki müitni qoruma meseleleri;
• cenk cinayetlerini vesiqalaştıruv meseleleri.

Bundan ğayrı, 2024 senesi orta küz ayında Ükümetniñ vekilleriniñ iştirakinen olacaq 34. Halqara Qırmızı Haç ve Qırmızı Hilâl konferentsiyasına azılanmaq içün iş gruppası teşkil etildi.

Bundan ğayrı, oturışnıñ iştirakçileri, 2022 senesi saban ayından başlap ReNazirliginiñ uzurında çalışqan Milliy malümat bürosınıñ faaliyeti aqqında esabat diñlediler.