2022 senesi oraq ayınıñ 29-ında Ükümetniñ qararınen o teşkil etildi. Vitse baş nazir İrına Vereşçuk, İdare ştabınıñ başıdır.

Terkibine Ukraina Prezidentiniñ Ofisiniñ vekilleri, icra akimiyetiniñ 7 merkeziy organı, 24 vilâyet arbiy memuriyeti, UTH ve “Ukrzaliznıtsâ” AT kirsetildi.

İdare ştabınıñ esas vazifesi, tahliyeni keçirüv ve teşkil etüv meselelerini acelen çezmek içün bütün akimiyet pıtaqlarını idare etmektir.

Operativ qararlardan ğayrı, Tahliye idare ştabı qanunlarnı mükemmelleştirir. Bir qaç ihtisasiy qarar berildi. Şu cümleden, arbiy areketler zonasında bulunğan balalarnıñ mecburiy şekilde tahliyesi aqqında qarar.

Bundan ğayrı, vilâyet arbiy memuriyetleriniñ arbiy areketler meskün yerlerinden balalarnıñ ana-babası ya da qanuniy vekillerinen mecburiy tahliyesine dair 6 qarar berildi.

Bir seneden çoq Donetsk vilâyetinden ealiniñ mecburiy tahliyesi devam ete. Bu, İdare ştabınıñ oturışlarından birinde berilgen qarar neticesinde mümkün oldı. 

Bundan ğayrı, İdare ştabınıñ işi, Kolotılivka (rf) – Pokrovka (Ukraina) keçit noqtasınen Ukrainanıñ kontrol etkeni topraqlarına qaytqan insanlarnıñ ozğarmasınen bağlıdır. Şu cümleden, gumanitar yardım etüv ve olarnıñ telükesiz bölgelerge tahliyesini temin etüv. Şu anda bu keçit noqtasınen Ukrainağa eñ az 10 biñ ukrain vatandaşı qayttı.