Anda ReNazirligi, Moldova Cumhuriyetindeki Ukraina elçiligi, Astyapı nazirligi, Agrosiyaset nazirligi, İqtisadiyat nazirligi ve Energonazirlik ve başqalarınıñ vekilleri iştirak ettiler.

Oturışta orta küz ayınıñ 29-ında Odesa şeerinde keçirilgen Ükümetleratası ukrain-moldova birleşken ticaret-iqtisadiyat işdeşligi meseleleri eyyetiniñ başlarınıñ körüşüviniñ neticelerine köre yapılğan añlaşqanlıqlarnı yerine keçirüv alı aqqında esabat berdiler.

Şu anda moldova tarafı, Elektrik ağlar sızıqlarını orta temim etüv añlaşmasınıñ leyhası ve Ukrain-moldova sıñırında fevqulâde vaqialarnıñ peyda olması aqqında evelden haber berüv sistemasını azırlav memorandumını tasdıqlamalı.

Moldova tarafına Ukrain-moldova devlet sıñırından keçit noqtaları ve vatandaşlarnı qolaylaştırılğan keçirüv aqqında añlaşma leyhasına deñişmeler kirsetüvnen bağlı teklifler yollandı.

Bundan ğayrı, “Yampil – Koseyts” keçit noqtası içün orta statusnı tesbit etüv ve onıñ Ukrainada kelecek yeri üzerinde azırlamalar yapılır.

Oturış keçirmege azırlanalar, anda sanitar ve fitosanitar tedbirler saasında araştırmalarnı keçirüv orta usulları ve qanun çıqarıcı aktlarnı azırlamalarnı muzakere etmege planlaştırırlar. 

“Añlaşmalarımıznı yapmaq ve moldova tarafınen semereli işdeşlik içün bütün ceryanlarnı çabikleştirmelimiz ve ğayretlerimizni faalleştirmelimiz”, – dep vitse baş nazir hulâsa çıqardı.