Ükümet Binasında vitse baş nazir İrına Vereşçuknıñ başlığınen işğalden azat etilecek topraqlarda çalışmaları içün devlet organları hadimleri yedegini yaratuvnen bağlı oturış keçirildi.

Tedbirde Devlet hızmeti meseleleri milliy agentliginiñ (DHMMA) başı Nataliya Alüşına, Sağlıq naziriniñ muavini Mariya Karçevıç, Tasil ve ilim naziriniñ muavini Andriy Vitrenko, Prezidentniñ Ofisi, icra akimiyetiniñ merkeziy organları ve Taras Şevçıno adına Kıyiv milliy universitetiniñ vekilleri iştirak ettiler.

Oturışnıñ neticelerine köre matbuat brifingi keçirildi. O vaqıtnda memurlar, yapqanları işniñ neticelerini añlattılar.

Böylece, bu sene oraq ayında elektron platforma çalışmağa başladı. O yardımınen istegen er kes, İAETda devlet hızmetleri yedegine kire bilir. DHMMAnıñ başınıñ bildirgenine köre, şu anda sistemada 2137 anketa qayd etildi, olardan 1951-i yedekke kirsetildi.

Bundan ğayrı, hadimler yedegine ariza berüv ceryanını mükemmelleştirgen Ükümet qararı berildi. Bugünden namzet, öz bulunğanı yer, şu anda hızmet vaqzifelerini yapmaq azırlığını bildrimeli. Bu, kerçek namzetlerni saylamağa imkân berir.

Tasilcile ve tibbiyetçiler içün bu afta Ükümet, işğalden azat eitlecek topraqlarda çalışmaları içün hadimler yedegini şekillendirüv yol-yoruğunı tesbit etken ayrı qararlarnı berdi.

Bundan ğayrı, Sağlıq nazirligi, azat etilgen topraqlarda ukrain sağlıq qorçalavı sistemasını qaytaruv kontseptsiyasını azırlay. Oña köre 2014 senesinden 2022 senesi qadar işğal etilgen topraqlar içün tibbiyet qaytaruvı ayrı usulları olacaq.

Vitse baş nazir, bu model misaline köre başqa nazirliklerni öz yañıdan quruv yedegini şekillendirüv kontseptsiyalarını azırlamağa çağırdı. Aynı zamanda halqara donorlarğa bu malümat bermek içün maddiy-tehnikiy ihtiyaclarnı tesbit etmege çağırdı.

“Endi bugün böyle iş yapılmalı, işğalden azat etüvni beklemek kerekmey. Bu da akimiyetniñ bütün topraqlarnıñ azat etilecegine ne qadar inanğanı ve buna azırlağanınıñ köstergiçidir. Er bir nazirlik, öz yedegini şekillendirmeli. Tasil, medeniyet, tibbiyetten içtimaiy ve uquq qorçalayıcı saağa qadar”, – dep İrına Vereşçuk qayd etti.

Oturışnıñ neticelerine köre Yuqarı adliye şurası ve Yuqarı makemeciler ihtisaslı eyyetine İAETda çalışmaları içün ayrı makemeciler yedegini yaratuv meselesini işlemege avale ettiler.

“Üç liderni qayd etmege isteyim – DHMMA, Sağlıq nazirligi ve Tasil ve ilim nazirigi. Öz misalinen olar, işğalden azat etilecek topraqlarda çalışmaları içün hadimler yedegini şekillendirmek mümkün ve kerek olğanını kösterdiler. Ukrainanı yañıdan quruv ceryanını tezleştirecek müim işi içün olarğa teşekkür bildirem”, – dep vitse baş nazir İrına Vereşçuk hulâsa çıqardı.