Deyerli bir sene evel Herson vilâyetini işğalden azat etüv ceryanı başlandı. Şu anda Herson vilâyetiniñ eñ az 220 meskün yeri işğalden azat etildi. Azat etilgen topraqlarda kritik ve içtimaiy astyapı yañıdan qurulır, yerli ealige gumanitar yardım etilir.

Şu cümleden, vitse baş nazir İrına Vereşçuknıñ yolbaşçılıq etkeni İşğalden azat etilgen topraqlar meseleleri idare ştabı, bu ceryanlarnı idare eter.

Gumanitar yardım

Halqara ve göñülli teşkilâtlar, Herson vilâyetiniñ sakinlerine 1 231 935 aşayt ve 191 532 gigyena paketini berdiler.

Şu anda 31 gumanitar yardım noqtası çalışa: olardan 14-ü Herson şeerinde, 17-si ise vilâyetniñ işğalden azat etilgen topraqlarındaki meskün yerlerde.

Kritik astyapını yañıdan quruv:

Gaz teminatı

77 meskün yerde yañıdan berildi. Bozulğan gaz ağlarınıñ tamir işleri devam etilir.

Elektrik teminatı

188 meskün yerde yañıdan berildi.

Suv teminatı

175 meskün yerde yañıdan berildi.

Tibbiyet

Şu anda Herson vilâyetiniñ işğalden azat etilgen topraqlarında (İAET) 80 tibbiyet müessisesi çalışa.

Mobil alâqa

62 meskün yerde yañıdan yaratıldı.

İçtimaiy ve memuriy hızmetler müessiseleri

Herson vilâyetindeki Ukraina Pensiya fondunıñ Baş idaresiniñ 5 servis merkezinde vatandaşlarnı hızmet eteler. 56 meskün yerde Memuriy hızmetler merkezi çalışmağa başladı.

Maliyeviy müessiseleri

Herson vilâyetiniñ sağ yalısı işğalden azat etilgen soñ 19 bank bölügi çalışmağa başladı. Bundna ğayrı, 68 ATM ve 51 öz-özüni hızmet etüv terminalı çalışa.

Poçta alâqası

Herson vilâyetinde Ukrpoştanıñ 19 bölügi, “Nova poşta”nıñ 7 bölügi çalışmağa başladı. Bundan ğayrı, vilâyetniñ işğalden azat etilgen topraqlarında muntazam bölüklernı açmağa planlaştırırlar.