Helsingin Sanomat fin basımına intervyu bergende vitse baş nazir İrına Vereşçuk bunı bildirdi.

Onıñ sözlerine köre tolu miqyaslı tecavuznıñ başında Ukraina, dünyanıñ diqqatını rus tecavuzına celp etip tutmağa becerdi. Neticesinde biz ortaqlarımızdan keniş arbiy, iqtisadiy ve maliyeviy yardım alamız.

Aynı zamanda öz mudafaa programmalarımız çoqlaştılar. Şu cümleden, raketalar ve uçucısız aletlerniñ işlep çıqarılması arttı.

Şimdi ise bu ğayretler çoqlaşmalı, dep memur tüşüne. Bizim ortaqlarımıznıñ diqqatı, biznen işdeşlik ve bizge yardımğa celp etilip turmalı. Tecavuznıñ Orta Avropağa tarqatmaması içün. Çünki er kes şunı ögrendi: tek qarşılıq ve birlik küçüni añlağan duşmannen cenkleşemiz.

“Biz ne yapqanımıznı ve ğalebe içün bizge ne kerek olğanını bilemiz. Ve şunı añlaymız: maqsatqa irişmek içün vaqıt kerek. Putin Amerika Qoşma Ştatlarınıñ ve Ğarp ülkeleriniñ Ukrainanı destek etmege biteceklerini beklp tura. Amma o yañlıştır. Çünki ukrainalılarnıñ başqa yolu yoqtır. Biz cenkleşecekmiz ve ortaqlarımıznen işdeşlik yapacaqmız. Ve bunı yapmağa devam etecekmiz”, – dep vitse baş nazir qayd etti.