Ekinci oquvda “Ukrainanıñ vaqtınca işğal etilgen topraqlarında yaşağan insnalarnıñ oquv neticelerini tanımağa dair bazı Ukraina qanunlarına deñişmeler kirsetüv aqqında” Ukraina qanunı tasdıqlandı.

Şu cümleden bu qanun, bu tür topraqlarnıñ sakinlerine ukrain oquv yurtlarında oqumağa ya da tasil derecesini almağa imkân berir.

Ükümet, bu tür atestatsiya keçirecek oquv yurtlarını saylaycaq. Atestatsiya keçirilmeycek ihtisaslarnı (zenaatlarnı) tesbit etecek.

Bu Qanun, vaqtunca işğal etilgen toptaqlarnıñ sakinleriniñ Ukrainanıñ tasil boşluğına reintegratsiyasına yardım eter.

Ukraina Tasil ve ilim nazirligi ve Ukraina halq mebuslarınıñ işdeliginde Ukraina Prezidentiniñ Qırım Muhtar CUmhuriyetindeki Vekilliginiñ teşebbüsinen Qanun leyhası azırlandı.

Bundan ğayrı, Ukraina Yuqarı Şurasınıñ tasil, ilim ve yañılıqlar meseleleri eyyetiniñ azaları, qanun leyhasınıñ azırlamasına qatıldılar.