Avstraliyanıñ 2024 senesi Ukrainağa gumanitar yardım bermesi içün işdeşlik muzakere ettiler.

Vitse baş nazir, Ukrainanı destek etken Brüs Edvardske teşekkür bildirdi. Umumen tolu miqyaslı tecavuz başlağan soñ Avstraliya, 910 million dollar arbiy ve gumanitar yardım berdi. Şu cümleden Avstraliya fevqulâde vaziyerler meseleleri gumanitar fondundan (Emergency Humanitarian Fund) yardım berdi.

Bundan başqa, rusiyenen ticaret sanktsiyaları kirsetildi ve tecavuzcı bir devletke ihrac yasaqlandı. 

Avstraliya elçisi, ukrain halqınıñ dayanıqlığından ve merkeziyden yerlige qadar er bir seviyede akimiyetniñ düzenli çalışmasından ayrette qalğanını bildirdi. Avstraliya ükümetiniñ ve bu ülkede yaşağan ukrain diasporasınıñ kelecek destegini de bildirdi.

“Kelecek sene ukrainalılarğa yardım etmege devam etecekmiz”, – dep ayttı o.

İrına Vereşçuk Ukrainağa yardım azlaşmamağa, gumnaitar qarşılıqnıñ uzun müddetli planlaşmasını yoq etmek içün yardım etmege çağırdı.

Bundan ğayrı vitse baş nazir qayd etti ki, semereli olmaq içün resurslar ve ğayretlerni tek bir qaç prioritetli yönelişke üleştirmek kerek.

“Eger bizde qaç ve ne vaqıt resurs olğacağını pek yahşı añlasaq, areketlerimizni yahşıca planlaştıra ve telükelerni al ete bilirmiz”, – dep İrına Vereşçuk qayd etti.