Çehiyadaki ukrainalılar, 2025 senesi saban ayınıñ soñuna qadar vaqtınca qorçalav statusını uzata bilirler. İlk qış ayınıñ 1-inde çeh partlamenti böyle qarar berdi. mesken qıdırğan insanlar içün frs.gov.cz resmiy veb portalı bu aqqında haber berdi.

Yañı qararğa köre, ukrainalılarnıñ devlet tibbiy sigortası, tasil ve emek çarşısına irişimi qalır.

Çehiyadaki ukrainalılar vaqtınca qorçalav statusını nasıl uzata bilirler?

2024 senesi saban ayınıñ 15-ine qadar vaqtınca qorçalav statusını tasdıqlağan viza işaretini qoymaları içün İİNniñ bölügine qayd etmek kerek.