“Rada” telekanalınıñ canlı yayınında vitse baş nazir İrına Vereşçuk bunı bildirdi. O, keçekn AQŞnı iş ziyretiniñ neticelerini añlattı. Bu mevzu, Devlet departamenti ve Kongressteki körüşüvler vaqtında baş mevzu oldı.

Amerika zenaatdaşlarınen vitse baş nazir, rusie tarafından hırsızlanğan ukrai balalarını qıdıruv meseleleri ve olarnı qaytaruv mehanizmlerini muzakere etti.

Memurnıñ sözlerine köre, bu meselede müim adım, bu tür balalarnıñ, ayrıca öksüz balalarnıñ cedvelini almaq olur edi. Misal içün, UNICEF vekilleri yardımınen. Olarnı Ukrainağa qaytarmaq içün.

“Bundan ğayrı, balalarnı qanunsız olaraq alıp ketken ve bu cinaiy areketlerge qatılğan insnalarnıñ ceza almaları içün biz qararlı tedbirler keçirecekmiz”, – dep vitse baş nazir qoştı.

Onıñ fikrince putin ve lvova-belovağa tevqif orderleri, teşkilâtta Belarus Qormızı Haçınıñ azalığını toqtatuv – dünya cemaatınıñ bu yönelişteki ilk adımlarıdır. rusiye ve belarus diktatorları içün başqa signallar da olacaq.

“Bilgiler bazaları, raqamiy tehnologiyalar ve başqa zemaneviy imkânlarnı qullanaraq balalarnı qıdırmaq içün ğayretlerimizni birleştirmege añlaştıq. Olarnı alıp ketken ve qanunsız olaraq vasiy etken insanlarnı mesüliyetke çekmek içün de beraber çalışacaqmız. Men, büyük iş yapqan bizim ortaqlarımızğa, ayrıca AQŞa teşekkür bildirem”, – dep İrına Vereşçuk hulâsa çıqardı.