Mezkür seminarda telükesizlik ve mudafaa saasınıñ vekilleri iştirak ettiler. Vitse baş nazir İrına Vereşçuk ta tedbirge qatıldı.

“Bizim askerlerimiz, topraqlarımız işğalden azat etilecegine inanalar ve cebede bunı tasdıqlaylar. Biz ise adiy vatandaşlarmız, adiy ayatqa ve azat etilecek topraqlarımızğa qaytmağa dair ne qadar cevapkâr olmağa azır olamız, o qadar da ğalebemizge inanamız”, – dep memur qayd etti.

İrına Vereşçuk, işğalden azat etilecek topraqlarda hadimler yedegi leyhasını kenişletmek kerekligine diqqat celp etti. Bu leyhanıñ idarecileri, ReNazirligi ve Devlet hızmeti meseleleri milliy agentligidir. Böylece, Tasil nazirligi, Sağlıq nazirligi ve İçtimaiy siyaset nazirligi, öz hadimler yedegini şekillendireler.

Bundan ğayrı, vitse baş nazir qayd etti ki, er afta başqa nazirlikler, vilâyet arbiy memuriyetleri, cemaat sektorı ve halqara teşkilâtlarnıñ vekilleriniñ işitirakinen İşğalden azat etilecek topraqlar meseleler idare ştabınıñ oturışları keçirile. Olar vaqtında büyük bir vesiqada birleştirilecek yañıdan quruv strategiyalarına dair azırmalarını muzakere eteler.

Böyle Strategiya, tolu miqyaslı tecavuz başlamadan evel şekillendi. Faqat, şu anda devlet, pek çoq yañı çağıruvnen qarşılaşa. Bunıñ içün işğalden azat etilecek topraqlarda yaşayış faaliyetini yañıdan yaratmaq içün yañı strategiya azırlap çıqarmaq kerek.

“Semereli işiñiz içün sizge teşekkür bildirem. Mevcut olğan ve olacaq şu azırlamalar bizim içün pek müimdir. Olarnı, Ükümet seviyesinde berilgen qararlarnıñ temeline qoyacaqmız”, – dep İrına Vereşçuk qayd etti.