Bugün ilk qış ayınıñ 7-sinde Ukrainanıñ vaqtınca işğal etilgen topraqlarınıñ reintgratsiya meseleleri nazirligi şahsında Ukraina Ükümeti, Yaşlar içün mesken binalarını quruvğa yardım etken devlet fondu ve KfW alman bankı, devlet içinde alınğan kişilerge imtiyazlı ev kreditlerine daa 17 million yevro ayırmağa añlaşıp vesiqalarnı imzalandı. Mezkür para vastasınen 2024 senesi tahminen 400 yañı imtiyazlı ev kreditini bermege planlaştıralar.

Ukraina vitse baş naziri İrına Vereşçuk, bu zor zamanlarda ukrainalılarnı destek etken Almaniya Ükümetine ve KfW bankına teşekkür bildirdi: “Devlet içinde alınğan kişiler içün evler, keskin içtimaiy meseledir. Endi bir qaç sene DAKge imtiyazlı ipoteka leyhası çalışa ve semereli oldı. Bu müiim leyhağa para ayırğan alman ortaqlarımızğa teşekkür bildirem”.

“Ukrain devlet içinde alınğan kişileri içün imtiyazlı ev kreditleri saasında Ukrainen işdeşligimizni devam etmege bahtlımız. 2021-2022 seneleri bu leyhanıñ 25,5 million yevrolıq birinci qısmı muvafaqiyetnen yerine ketirildi. Ukrain ortaqlarımıznen beraber pek tez kördik ki, bu leyhağa çoq diqqat celp etildi. Tamam bunıñ içün bugün biz bu leyhağa daa 17 million yevro ayıramız. Bu grant, inkişaf içün alman-ukrain işdeşliginiñ qısmıdır. 2023 senesi grantnıñ umumiy miqdarı 600 million yevro edi”, – dep Ukrainadaki Salâhiyetli ve Vekâletli Almaniya elçisi Tim Pranhe qayd etti.

Cenk vaqtınca ukrainalılarnı destek etmek, KfW bankınıñ absolüt prioritetidir. Bunıñ içün müessise, Ukraina ve vatandaşları yanında turmağa devam etecek, dep Ukrainadaki KfW Vekilliginiñ müdiri Lorents Gessner bildirdi: “Cenk sebbeinden çoq Ukraina vatandaşı öz evlerini terk etmege ve devlet içinde alınğan kişi olmağa mecbur qaldı. Olarnıñ çoqusı içün ev meselesi soñ derecede müimdir, bunıñ içün Ukraina ve ailesini grant parasınen destek etmege azırmız. Almaniya Federal Cumhuriyeti, bu para ayıracaq”.