2023 senesi ilk qış ayının 7-sinde ReNazirligi, KfW alman bankı ve Ukrain içtimaiy yatırım fondu (UİYF) 24,2 million yevro grant añlaşmasını imzaladılar. Mezkür grant, devlet içinde alınğan kişiler içün energiya semereli evlerniñ qurulması “İçtimaiy astyapınıñ inkişafına yardım etüv (UİYF IX)” içün qullanılacaq.

Bu leyha çerçivesinde endi qurulğan evlerni zemaneviy energiya saqlanıcı tehnologiyalar vastasınen tamir etip ve yañı evlerni qurıp, DAKni evlernen temin etmege planlaştıra.

Dnipropetrovsk, Lviv, Harkiv ve Hmelnıtskıy vilâyetlerindeki leyhada iştirak etecek 8 obyekt endi saylandı.

Bundan ğayrı, DAkni destek etmek ve cemaatnıñ imkânlarını inkişaf ettirmek içün bir qaç içtimaiy programma yerine ketirmge planlaştıralar.

2008 senesinden başlap bugünge qadar KfW vastasınen Almaniya Ükümeti deyerli 120 million yevro ayırdı. Bu para, Ukrainadaki içtimaiy astyapınıñ inkişafı içün grantlardır, dep Ukrainadaki Almaniya Federativ Cumhuriyetiniñ Vekâletli ve Salâhiyetli elçisiniñ muntazam muavini Tim Pranhe bu aqqında haber berdi.

“Bu müim maliyeviy yatırım vastasınen 500 içtimaiy astyapı obyekti tamir etildi, devlet içinde alınğan kişiler içün evler abadanlaştırıldı, yerli cemaat ve köçip kelgen insanlar içün bir qaç büyük içtimaiy programma yerine ketirildi. Yañı 24,2 million yevrolıq grant, bizim destegimizniñ daa bir misalidir”, – dep Tim Pranhe qayd etti.

“Bugün em büyük, em çoq taraflı olğan Almaniya Ükümetiniñ yardımı içün pek minnetdarmız. Bu yönelişlerden biriniñ, rus tecavuzı neticesinde öz evlerini coyğan ya da terk etmege mecbur olğan devlet içinde alınğan kişilerni destek etmek saylanması pek müimdir. Bu, asla untmaycaqmız aqiqiy ortaqlıq misalidir”, – dep vitse baş nazir İrına Vereşçuk qayd etti.

Yañı grant çerçivesinde tahminen 700 DAKni içtimaiy evnen temin etmege planlaştıralar. Ukrainada KfW Vekilliginiñ müdiri Lorents Gesser ümüdini bildirdi: “Cenk vaqtında Ukrainanı tamamınen ve mıtlaqa destek etemiz ve ukrain Ükümetinen işdeşligimizni devam etmege bahtlımız”.