Bu, umumiy ihtiyacnıñ 48%-idir, dep vitse baş nazir İrına Vereşçuknıñ başlığınen mahsus oturışnıñ iştirakçileri qayd ettiler.

Qara qış ayınıñ başında Herson vilâyetiniñ sağ yalısınıñ 18 cemaatındaki 19 585 ev hocalığınıñ qattı yaqarğa ihtiyacı bar. Olardan 9325-i endi yardım aldı.

Yaqar odunı, kömür, briketler, odun, peletler kibi qattı yaqarnıñ farqlı çeşitlerini berüv aqqında laf etemiz. Bundan ğayrı, keş-destek şeklinde yardım etüv aqqında laf etemiz.

Halqara teşkilâtlar, qalğan ev hocalıqlarını odunnen temin etmek qabiliyetini tasdıqladılar. Olar arasında Halqara birdemlik fondu, SaveUA hayriye fondu, “Belâda insan” Çeh gumanitar teşkilâtı, Danimarka qaçaqlar meseleleri şurası, Ukraina Qırmızı Haç Teşkilâtı ve ilâhre.

“Cebege yaqın cemaatqa qışlamağa alecen yardım etmelimiz. Bizni destek etken halqara ortaqlarımızğa açıq göñlümden teşekkür bildirem”, – dep vitse baş nazir qayd etti.