Bu, ava telükesi vaqtında müşterilerge bank hıuzmetlerini almağa imkân berecek. Şu anda böyle imkân talil etile ve qıymetlene.

Vitse baş nazir İrına Vereşçuknıñ başlığınen İşğalden azat etilgen topraqlar meseleleri idare ştabınıñ oturışında  “PrıvatBank” AT ve Donetsk VAMniñ vekilleri, bu ceryanda iştirak etmek azırlığını bildirdiler.

PrıvatBanknıñ Şarqiy bölge idaresiniñ toprağında ATMnıñ sayısı 98ge arttı. Bundan ğayrı, öz-özüni hızmet etüv terminalları qoydılar.

Bunıñ vastasınen müşteriler işçilerden yardım almadan, kartqa ya da telefon nomerasına para yollaya, hızmetlerni ödeye, ecnebiy para sata, kredit ödeye, balansqa baqa ve daa çoq operatsiya yapa bilirler.

Bundan ğayrı, er bir vaqıt mobil qullanımında müşteriler, kerekli hızmetler ala bileler.

Bundan başqa, PrıvatBank, mahsus cihazlarnen zırhlı maşnalar vastasınen mobil bölüklerini yaratmağa imkânını ögrene. Cebege yaqın bölgelerniñ sakinleriniñ bank hızmetlerini ala bilmeleri içün.

“Bu ceryan tek Donetsk vilâyetinde degil, bütün cebege yaqın topraqlada kerek. Ava telükesi vaqtında em müşteriler, em de bank işçileri telükesiz bir yerde olmalılar. Bunıñ içün bu mesele eñ acele tarzda al etmek kerek”, – dep İrına Vereşçuk qayd etti.