Şu anda Rusiye eñ az 100 tınç yaşağan ukrain vatandaşını maküm etmeden, apshanede tevqif etip tuta. Olar arasında Herson ve Zaporijjâ vilâyetleriniñ vaqtınca işğal etilgen topraqlarınıñ sakinleri de bar.

Qırım uquq qorçalayıcı gruppasınıñ idaresiniñ başı Olha Skrıpnık bunı bildirdi.

Uquq qorçalayıcı qayd etti ki, qara qış ayınıñ 12-isnde halqara standartlarğa köre tek 53 insan verifikatsiya etildi. Bu insanlar cedveli, BMTnıñ Ukrainadaki cinayetlerni taqiq etken mustaqil eyyetine berildi.

Faqat maküm etilmeden tutulıp tevqif etilgen insanlarnıñ sayısını aytmaq pek zor. Çünki olarnıñ soyadları iç bir makeme saytında qayd etilmez, olar advokatlardan marum etildi. Olarnıñ qısmını er vaqıt etap eteler, bazılarnı rusiyege etap ettiler.

Skrıpnık hatırlattı ki, tevqif etilgenler arasında  ispan göñüllisi Maryano Garsia Kalarayuda ve Ğola Prıstannıñ şeer başı Olekdandr Babıç. Şu anda olar Aqmescitteki SİZOda bulunalar.

Aynı zamanda Esir etilgen askerlernen tutuv meseleleri idare ştabınıñ matbuat hızmetiniñ reberi Petro Yatsenko qayd etti ki, rusiye biñlerce ukrain vatandaşını esir etip tuta.

Olarnı esir etilgena askerler olaraq tanıylar, bunıñ içün böyle insanlarnı qaytarmaq soñ derecede zor. Aynı zamanda ruslarnıñ bu insanlarnı apishanede tutmaq içüb iç bir uquqiy sebebi yoq.