Milliy malümagt bürosınıñ reberi Oleh Kujelev, BMTnıñ insan aqları nezaret missiyasınıñ vekillerinen ve Missiyanıñ başınıñ muavini Moel Kalhunnen körüşti.

Körüşüv vaqtında rusiyeniñ silâlı tecqvuzınen bağlı VİETda insan aqları meselesini ve Nezaret missiyasınıñ MMBnen mümkün olacaq işdeşlik taraflarını muzakere ettiler. Şu cümleden, insan aqları bozmalarını qayd etmek içün.

Öz vesiqalarına köre Ukrainada BMTnıñ insan aqları nezaret missiyası, rusiye tarafından yapılğan insan aqları ve halqara gumanitar uquqlarnı bozmalarını qayd etmege devam ete.

Missiyanıñ vekilleri haber berdiler ki, olarnıñ Ukrainada insan aqlarınen bağlı vaziyet aqqında senelik esabatında VİETdaki ukrainalılarnıñ zoraki ğayıp olmalarına ayrıca diqqat celp etilecektir.

“Çünki bu, pek ciddiy bir cinayettir. Er kesni zoraki ğayıplardan qorçalav aqqında halqara şartnamege mücibi devlet vekilleri, devletniñ destegi ya da izninen çalışqan insanlar ya da gruppalar tarafından yapılğdan tevqif, tutuv, hırsızlav ya da başqa bir şekilde azatlıqtan marum etüv zoraki ğayıp olaraq sayıla. Aynı zamanda devlet insanlarnı tevqif etkenini red ete, ğayıp olğan insannıñ taqdiri ya da bulunğan yeri aqqında bilgilerni gizley. Bunıñ neticesinde qanunlar böyle insannı qorçalamaz”, – dep Missiyanıñ Başınıñ muavini Noel Kalhun qayd etti.

Aynı zamanda Oleh Kujelev Missiyanıñ vekillerine MMBnıñ esas vazifelerini añlattı: “Milliy malümat bürosı esir etilgen askerler, habersiz ğayıp olğan insanlar, işğalciler tarafından qanunsız tutulğan insanlar ve tınç yaşağanlar aqqında malümat toplay ve talil ete. Bundan ğayrı, Halqara Qırmızı Haç Eyyetinen malümatnen paylaşa. Alğanı malümat tezce işlegen soñ Esir etilgen askerlernen tutuv meseleleri idare ştabına malümat berile”.

MMBnıñ reberi qayd etti ki, bu tedbirlerniñ esas maqsadı, qanunsız sürgün etilgen ukrain vatandaşlarını qaytarmaq ve ailelerinen yañıdan birleştirmek içün olarnıñ bulunğanları yerler aqqında aqiqat malümat ögrenmesini temin etmektir.

Körüşüv neticelerine köre kelecek işdeşligi aqqında añlaştılar.