Bugün qara qış ayınıñ 21-inde Kıyiv şeerinde “Ukrainler ukrainlerge yaqınlar” vaqtınca işğal etilgen topraqlarnen bağlı milliy konferentsiyası keçirile.

Konferentsiyanıñ programmasında ukrain özdeşligini saqlanuv ve vaqtınca işğal şartlarında mümkün olğan yardım yolları kibi mevzularnı muzakere etüv. Rusiyenin cinayetlerini qayd etmek, rus propagandasına qarşılıq köstermek ve Ukrainağa qarşı malümat cenkinen bağlı munaqaşalar da olacaq.

Tedbirde devlet akimiyetiniñ organları, halqara donor teşkilâtlarınıñ vekilleri, VİETdaki ukrainalılarğa yardım etken cemaat erbapları ve göñülliler iştirak eteler.

Vitse baş nazir İrına Vereşçuk iştirakçilerge selâm sözüni ayttı.

“Ukrain Ükümeti adından göñülli teşkilâtlarğa destek bildirmege isteyim. Yazıq ki, cenk pek sozğalana. Bunıñ içün biz añlaymız ki, daa çoq ğayret köstermek kerekecek. Ve para ayırğan halqara teşkilâtlarnı 2022 ve 2023 seneleri kibi bizge yardık etmege pek rica etem”, – dep İrına Vereşçuk qayd etti.

Bundan ğayrı, Ukrainadaki USAID Missiyasınıñ müdiri Ceyms Houp, “Vatandaş azatlıqları merkezi” cemaat teşkilâtınıñ başı Oleksandra Matviyçuk, “Ukrain göñülli hızmeti” cemaat teşkilâtınıñ teşkilcisi ve reberi Anna Bondarenko, “Yaqınlar” vaqtınca işğal etilgen ve cebege yaqın topraqlarda göñüllilerni destek programmasınıñ reberi Vira Pasişnük söz ayttılar.

Qayd etemiz ki, “Yaqınlar” leyhasınıñ taqımı tedbirni teşkil etti. AQŞnıñ halqara inkişaf agentliginiñ (USAID) “Cemaatnıñ işançını pekitüv” (UCBI) leyhasınıñ desteginen o yerine ketirile.