Ukraina Ükümeti, BMTnıñ qaçaqlar meseleleri agentliginiñ (BMTnıñ QMA) bölge ve yerli akimiyetiniñ ortaqlarınen işdeşliginde 27,5 biñ ev tamir etip bitirdi. Teşkilâtnıñ saytında bu aqqında haber berdiler.

Tamir programması vastasınen ukrainalılar, öz evlerinde qala bileler. Ya Ukraina içinde alınğan kişiler ya da ecnebiy ülkelerden qaçaqlar statusında bulunğan insanlar öz evlerine qayta bileler.

Şu cümleden, Kıyiv, Mıkolayiv, Çernihiv, Summı ve Harkiv vilâyetlerindeki evler tamir etildi. Programma, birinciden şahsiy evler ve çoq qatlı evlerniñ tamir etilmesine diqqat celp ete.

BMTnıñ QMA tamir işlerine ukrain tamircilerini qatıla, qurucılıq malzemelerini ya da tamir işlerini tazmin etmek içün para yardımını bere.

Tamir işleri arasında dam tamiri, pencereler ve qapılar deñiştirilmesi, ev isitilmesi, evlerniñ temel tamiri de bar.

Qayd etemiz ki, qara qış ayınıñ 23-ünde ürmetli ve vekâletli delegatsiya, tamir programmasınıñ neticelerinen tanış olmaq maqsadınen Kıyiv vilâyetini ziyaret etti. Şu cümleden BMTnıñ Qaçaqlar meseleleri yuqarı komissarı Filippo Grandi, Ukrainadaki Yaponiya Elçisi Matsuda Kuninori, Avropa gumanitar yardım ve ealini vatandaş quruvı meseleleri  eyyetiniñ Baş müdirliginiñ Ofisiniñ Reberi Klaudiya Amaral da delegatsita terkibinde ediler.