Ukrain askerleri, Harkiv vilâyetiniñ endi 565 meskün yerini işğalden azat ettiler. Şimdi anda 183 biñ insan yaşay, olardan deyerli 19 biñi, bala ve 11 biñi saqatlı insan.

Topraqlar işğalden azat etilgen soñ esas vazife, sakinlerniñ adiy ayatını temin etmektir. Bunıñ içün kritik ve içtimaiy astyapını tamir etmege devam eteler.

Gumanitar yardım

İşğalden azat etilgen topraqlarnıñ (İAET) ealisiniñ 100 %-i gumanitar yardımnen temin etildi. Sakinlerge 6 biñ tonna aşayt ve başqa gumanitar yardım berildi

Elektrik, gaz ve suv teminatı

398 meskün yerde elektrik energiya bar. Bundan ğayrı, bozulğan gaz borularını tamir eteler. 107 meskün yerde merkezleştirilgen suv teminatı bar.

Tibbiyet

Şu anda İAETda 160 tibbiyet müessisesi çalışa. Keçenlerde Harkiv vilâyetinde Ukrainada ilk mobil aphane çalışmağa başladı.

Maliyeviy müessiseler 

Banklarnıñ 13 bölügi ve 43 ATM çalışa.

Poçta alâqası

Qara qış ayınıñ soñunda 532 meskün yerde poçta alâqası bar. İşğalden azat etilgen topraqlarda poçta alâqasını tarqatmaq maqsadınen muntazam bölükler, mobil bölüklernen deñiştirilir.

Hatırlataqmız ki, İşğalden azat etilgen topraqlar meseleleri idare ştabı, İAETnen bağlı ceryanlarnı idare ete.