Kıyiv şeerinde onıñ ilk oturışı keçirildi, dep Ukraina Prezidentiniñ saytında haber berdiler.

Prezident Ofisiniñ reberi Andriy Yermak, tedbirge qatılğan Kanada tış işleri naziri ve bu müim işte lider olğan Melani Jolige teşekküğr bildirdi. O qoştı ki, hırsızlanğan balalarnı qaytarmaq, Volodımır Zelenskıynıñ teşebbüs etkeni Bring Kids Back UA areket planlarınıñ temelidir.

İştirakçilerge Halqara birleşmeniñ müessise vesiqası kösterildi. Mezkür vesiqa onıñ mandatı, maqsatları, baş printsipleri ve faaliyet yönelişlerini tesbit etti. Şu cümleden, qayd etildi ki, er bir devlet, faaliyetiniñ saalarını öz başına tesbit ete bilir ya da öz tecribesine köre araştırma ve resurslarnen bağlı liderligini ala bilir.

Birleşme, qanunsız olaraq sürgün etilgen ve başqa yerge zoraki ketirilgen genç ukrainalılarnıñ bulunğanları yerlerni ögrenmege diqqat ete. Olarnı qaytarmaq içün mehanizmlerni tüşünip çıqarmağa çalışacaq. Maqbul diplomatik aytışmalarda ve bütün kerekli vesiqalarnı berüv ceryanında iştirak etecek.

Olar qaytaracaq soñ balalarnı destek etmek müimdir. Olarnı aqrabalarınen birleştirmek ya da aile şekli evlerge yerleştirmek, kerekli reabilitatsiya yardımını bermek, adliyege irişim temin etmek te müimdir.

Oturış vaqtında Ukrain balalarını qaytaruv halqara birleşmesine daa altı ülke resmen qatıldı: Belçika, Büyük Britaniya, Danimarka, Kosta-Rika, Felemenk ve Almaniya. Şu anda iştirakçi ülkelerniñ umumiy sayısı 28dir.