Halqara qurtaruv eyyetiniñ (IRC) vekillerinen iş körüşüvi vaqtınca vtse baş nazir İrına Vereşçuk bunı qayd etti.

 

Oturışta ReNazirligi ve IRCniñ vekilleri – Ukrain buhran merkeziniñ baş müdiri Zoya Deniels ve Ukrainadaki Halqara qurtaruv eyyetiniñ müdiri Skott Lia iştirak ettiler.

 

Halqara qurtaruv eyyeti (IRC) – gumanitar, maliyeviy, uquqiy, ruhiy yardım etken üküm olmağan halqara gumanitar teşkilâttır.

 

Körüşüvde gumanitar qarşılıq saasınıñ esas çağıruvlarını muzakere ettiler.

 

Esas mevzusı, ReNazirligi ve IRC arasındaki işdeşlik saaları edi. Olar arasında – qabul etken cemaatqa kelecek soñ cebege yaqın topraqlardan tahliye etilgenlerni ödemelernen temin etmek.

 

Bundan ğayrı, Sumı vilâyetindeki Kolotılivka – Pokrovka keçit noqtasından tahliye etilgen insanlarğa yardım imkânlarını muzakere ettiler. Bunı yapmaq içün IRCniñ cebege yaqın çalışa ve tezce areket ete bilgen mobil tibbiy yardım taqımları bar.

 

Bundan başqa, vitse baş nazir, ayrıca DAK arasında qadınlar içün iş programmalarına diqqat celp etti. Şu cümleden, iştirakçiler qadınlarnıñ çalışmağa başlamaları içün minigrantlarnı bermege imkânını muzakere ettiler.