Lodz şeerinde keçken «Halqara işdeşlikte yerli öz-özüni idare etüvniñ diplomatliginiñ rolü» tedbiri çerçivesinde vitse baş nazir İrına Vereşçuk bunı qayd etti. 

Söz aytqanda İrına Vereşçuk qayd etti ki, Ukraina içün Lehistan em yerli öz-özüni idare etüv islâatı ceryanında, em de Avropa Bİrligi ve NATOnıñ qanuniy azası oluv ceryanında misalidir.

Vitse baş nazir, Lehistannıñ Ukrainanen öz tecribesinen paylaşqanı ve islâat ceryanında meselelerden kaçınmağa yardım etkeni içün iştirakçilerge teşekkür bildirdi.

Aynı zamanda memur, şeerleriniñ prezidentleri vazifelerine qadınlarnı saylağanları içün lehlerge teşekkür bildirdi. Misal olaraq, Lodz şeeriniñ meri üç kere olan Zanna Zdanovska.

Bundan ğayrı, İrına Vereşçuk, sıñırğa yaqın ukrain Rava-Ruska şeeriniñ meri vazifesinde alğanı tecribesinen konferentsiyanıñ iştirakçilerinen paylaştı.

Söz aytmağa bitirgende olar, ukrain vatandaşlarına yardım etmege devam etmege ve tercibenen paylaşmağa toqtamamağa çağırdı.

«Yapqanlarıñıznı yapmağa devam etiñiz, ve bizim dostane ve işançlı destegimizni seze bilirsiñiz. İşançlı siyasiy ve telükesizlik ortağınıñ destegi. Birlikte olğance, rusiye bizni asla yeñmeycek. Birlikte ğalebe qazanacaqmız», – dep vitse baş nazir hulâsa çıqardı.