İş seyaatı vaqtında vitse baş nazir İrına Vereçuknıñ başlığınen ReNazirliginiñ taqımı, zor yaşayış vaziyetine oğraşqan balalarnen analarğa içtimaiy hızmetler ve mesken bergen merkezni ziyaret etti.

 

“Yahşılıq şeeri” — tek mesken degil de, qadınlarnıñ içtimaiy integratsiyasınıñ kompleksli programmasıdır. Onıñ faaliyetiniñ maqsadı, qadınlarnıñ özü ve balalarını temin ete bilmeleridir.

 

Bu merkez, aşağıdaki qadınlar içün 24 saat işlegen içtimaiy qorçalavnıñ statsionar pensionatıdır:

 

– ev azaplarını çekken ya da muntazam yaşayış yerine saip olmağan qadınlar ve balaları;

– evsizlik, yoqsulluq ya da maarifsizlik sebebinden ana aqqılarından marum olayatqan qadınlar;

– vesiqalar meselelerini çekkeni sebebinden iş ve ev tapamağan qadınlar ve balaları;

– Ukrainanıñ topraqlarında yardımğa ihtiyac duyğan Ukrainanıñ bütün vilâyetleinden ve başqa ülkelerniñ vatandaşı olğan qadınlar ve balaları;

– evge saip olmağan ya da ev azaplarını çekken qart yañğız qartanalar.

 

Er bir qadın ve bala yardım almaq içün pansionatqa muracaat ete bile. Merkez, saqatlı insanlar içün uyğunlaşqandır.

 

“Yahşılıq şeeri”, farqlı yaşındaki balalarnıñ yaşamaları içün kerekli er şeynen donatıldı. Şu anda merkezde devlet içined alınğan balalar da bar. Merkezde yaşağan aileler ihtiyac duyğanı urba, gigyena eşyaları ve aşnen temin etildi. Merkezde yaşamaq bedavadır.

 

Merkezde böyle saalarda yardım eteler: ruhiy, uquqiy, tibbiy, pedagogik. Bundan ğayrı, anda hocalıqnen oğramağa, balağa baqmağa, tasil almağa ve iş tapmağa yardım eteler.