Bu sene veteranlar içün yedinci grant dalğasınıñ neticelerine köre 53 ğalip saylandı. Öz biznesini inkişaf ettirmek ya da başlatmaq içün umumen 26 million grivna alacaqlar. Ükümet portalı bu aqqında haber berdi.

Ğalipler arasında 27 arbiy akerketler işitrakçisi ve veteranlarnıñ aileleriniñ 25 azası. 46 ğalip 500 biñ grivnağa qadar grant, dört insan 250 biñge qadar grant ve eki insan 1 millionğa qadar grant aldılar.

Eñ çoq ğalip Jıtomır, Poltava, Vinnıtsâ, Kıyiv vilâyetleri ve Kıyiv şeerinden.

Grant alğanlar öz biznesini böyle saalarda inkişaf ettirmege planlaştıralar: kötere ve bir eşyalıq ticareti, vaqtınca yerleştirüv ve aşamanı teşkil etüv, işlep çıqaruv sanayı.

Umumen “Öz işi” programmasınıñ veteran leyhası çalışmağa başlağan berli endi 552 veteran ve arbiy areketler iştirakçileriniñ azası ğalip saylandı. Olarnıñ biznesine devlet 246 million grivna yatırım etti.

Qayd etemiz ki, programmanıñ talaplarına köre arbiy areketler iştirakçileri ya da cenk neticesinde sqatlı olğan insanlar, eşleri aşağıdaki grantlarnı ala bileler:

• 250 biñge qadar, 500 biñge qadar ve 1 millionğa qadar – veteran bir, eki ve dört iş yerini yaratmalı;
• 250 biñge ve 500 biñge qadar – veterannıñ eşi bir ve eki iş yerini yaratmalı.

500 biñden 1 millionğa qadar grivna grantnı alğanda veteran eñ az 3 senedir FOP olaraq qayd olunmalı.

Bundan ğayrı, 70/30 nisbette orta maliye berüv şartlarında grantlar berilir. Yani öz işine parasınıñ 30%-ini qoymalı, paranıñ 70%-ini ise grant şeklinde devlet berecek.

Bağlantığa basıp, biznes-plannen ariza bermek mümkün.