Mayıs ayınıñ 6-sında Bazarertesi künü Nazirlikniñ resmiy saifesinde maqbul çağıruvname yayınlandı.

 

Nazirlikte qayd ettiler ki, 2024 senesi saban ayında böyle degen saylavlar devrinde rusiye federatsiyası, çoq halqara vesiqanıñ qaidelerini bozdı.

 

Halqara uquqnıñ qaideleri ve printsipleriniñ bozulmalarından biri, rusiye tarafından vaqtınca işğal etilgen Ukrainanıñ mustaqil topraqlarında “saylav ceryanı”nıñ teşkil etilmesi oldı.

 

Rus akimiyeti, VİETda bulunğan ya da rusiyege mecburen sürgün etilgen millionlarca Ukraina vatandaşını qorqutaraq,  böyle degen saylavlarğa qatılmağa mecbur etti.

 

Rusiyeniñ böyle areketleri isbatlaylar ki, bu ülkeniñ reberleri öz mesüliyetini tanımay ve Ukrainağa qarşı silâlı tecavuzını toqtatmağa planlaştırmay.

 

Buña köre, Halqara cinayet makemesiniñ putinniñ tevqifine dair qanuniy orderine binaen “Ukraina, rusiye federatsiyasınıñ prezidentiniñ demokratik saylavı ve qanunlığını tanımaqnıñ uquqiy sebebi yoq”, dep TİN qayd etti.

 

«Ecnebiy ülkeler, halqara teşkilâtlar ve cemaatnı bu misalge riayet etmege, rusiyeniñ sahte saylavlarınıñ neticeleri ve rus diktatorı olğan vladimir putinniñ qanunlığını tanımamağa çağıramız”, – dep bildirildi.